Kryeministri i Malit të Zi, Dushko Markoviq, ka thënë se Marrëveshja e Demarkacionit mes Kosovës dhe Malit të Zi është ratifikuar në parlamentet e dy shteteve dhe kjo çështje, sipas tij, është e mbyllur.
Kryeministri malazez deklarimet për çëshjen e demarkacionit i ka bërë duke komentuar edhe deklaratat e Albin Kurtit, lidhur me atë se çështja e demarkacionit me Malin e Zi nuk është e mbyllur.
“Ajo për çfarë që mund të bisedojmë është tërheqja e vijës kufitare në lidhje me gjendjen në terren, për çfarë na jep të drejtë Marrëveshja për kufirin. Kjo nuk është çështje e kufirit, por çështje e vijës kufitare dhe në këtë proces ne do t’i dëgjojmë propozimet e tyre [Kosovës] dhe me siguri do të kemi edhe ne propozimet tona”, tha Markoviq, për Televizionin publik të Malit të Zi.
Ai ka shtuar se ndjehet i lumtur për mesazhet pozitive, që fituesi i zgjedhjeve në Kosovë, Albin Kurti, i ka dërguar në drejtim të Malit të Zi.
“Mali i Zi është gjithmonë i gatshëm për dialog, gjithmonë i gatshëm për të dëgjuar palën tjetër, por natyrisht edhe për të mbrojtur pozicionin dhe interesin e vet pa kompromis dhe në vazhdimësi”, tha ai. /Telegrafi/
Von der Leyen arrin në Tiranë, pritet nga Rama
Disa studentë të universitetit paralel të Mitrovicës protest...
Liga e Kampionëve e “mbushur” me futbollistë shqiptarë, dhje...
Meta përplaset me prokurorët e SPAK-ut në sallën e gjyqit
Hezbollahu goditi shtëpinë e plazhit të Benjamin Netanyahut,...
Konjufca priti në takim të rinjtë e Shkollës Diplomatike